ರಾಜ್ಯ ಸರ್ಕಾರದ ಮಹತ್ವದ “ಯಶಸ್ವಿನಿ ಆರೋಗ್ಯ ವಿಮಾ ಯೋಜನೆ” ಸಹಕಾರಿ ಸಂಘದ ಬಡ ಮತ್ತು ಮಧ್ಯಮ ವರ್ಗದ ಸದಸ್ಯರಿಗೆ ಕೇವಲ 500 ರೂ. ಪಾವತಿಸಿ ವರ್ಷಕ್ಕೆ 5 ಲಕ್ಷ ರೂ. ವರೆಗಿನ ಚಿಕಿತ್ಸೆ ಒದಗಿಸುತ್ತಿದೆ. ಖಾಸಗಿ ಹೈಟೆಕ್ ಆಸ್ಪತ್ರೆಗಳಲ್ಲಿ ಹೃದಯ, ಕಣ್ಣು, ಮೂಳೆ, ಹೆರಿಗೆ ಸೇರಿದಂತೆ 2,128 ವಿವಿಧ ರೀತಿಯ ಚಿಕಿತ್ಸೆಗಳು ಲಭ್ಯವಿದ್ದು, 700ಕ್ಕೂ ಹೆಚ್ಚು ಆಸ್ಪತ್ರೆಗಳು ಈ ಯೋಜನೆಗೆ ಸೇರ್ಪಡೆಗೊಂಡಿವೆ.
ಈ ಯೋಜನೆಯಲ್ಲಿ ಈಗಾಗಲೇ 38 ಲಕ್ಷ ಜನರು ನೋಂದಾಯಿತರಾಗಿದ್ದಾರೆ. 2023-24ರಲ್ಲಿ 41.51 ಲಕ್ಷ ಸದಸ್ಯರು ಸೇರಿಕೊಂಡಿದ್ದರೆ, 2022-23ರಲ್ಲಿ 48.24 ಲಕ್ಷ ಜನರು ಭಾಗವಹಿಸಿದ್ದರು. ಇತ್ತಿಚೆಗೆ 587 ಆಸ್ಪತ್ರೆಗಳಿಗೆ 63.40 ಕೋಟಿ ರೂ. ಪಾವತಿಸಲಾಗಿದೆ.
ಗ್ರಾಮೀಣ ಸದಸ್ಯರಿಗೆ ಪ್ರತಿ ಹೆಚ್ಚುವರಿ ಸದಸ್ಯರಿಗೆ 100 ರೂ., ನಗರದಲ್ಲಿ 200 ರೂ. ಪಾವತಿಸಿ ಯೋಜನೆಗೆ ಸೇರ್ಪಡೆ ಸಾಧ್ಯ. ವರ್ಷದಲ್ಲಿ ಮೇ-ಜೂನ್ ತಿಂಗಳಿನಲ್ಲಿ ಯೋಜನೆಯ ನವೀಕರಣ ಅಗತ್ಯವಿದೆ. ಸರಕಾರಿ ನೌಕರರು ಹಾಗೂ ತಿಂಗಳಿಗೆ 30 ಸಾವಿರ ರೂ.ಕ್ಕಿಂತ ಹೆಚ್ಚು ಆದಾಯ ಹೊಂದಿರುವವರು ಈ ಯೋಜನೆಗೆ ಅರ್ಹರಲ್ಲ.
ಆರೋಗ್ಯ ಸೇವೆ ಎಲ್ಲರಿಗೂ ಲಭ್ಯವಾಗಬೇಕು ಎಂಬ ಆಶಯದೊಂದಿಗೆ ಈ ಯೋಜನೆ ಜಾರಿಗೆ ಬಂದಿದೆ.
